DIY BB成長腳印畫架
@user_133875．
2019.1.11已編輯
BB生長速度真係好快! 想佢留住細細粒咁, 其實係冇可能架~佢唔識長大亦唔係好事~就算個個月幫佢度高睇到BB長大, 係呀, 係見到個數字變大...但其實都唔夠睇到佢D腳板手掌一路一路咁大咁過癮~冇咁實在, 同埋咁滾動~建議用輕黏土, 因為輕黏土質地較軟身同埋輕, 唔需要太出力就可以整到個形點解唔用紙黏土? 因為紙黏土比較硬身, 要好出力先打到個印, 而且紙黏土本身有D粉, 有機會呢D粉會令BB皮膚敏感痕癢, 而且紙黏土本身都幾有重量, 第時Keep就會麻煩D, 同埋容易D爛打印 - 我會o係BB沖涼之前做呢件事~因為打完印即刻沖涼洗返乾淨~搞掂~有紅色, 藍色, 綠色, 黃色, 黑色~如果有恆心有毅力~第一次整, 好貪心, 想整埋手仔~但係和牛B唔太合作...點都唔願意攤大手板~所以...打左個拳頭印~雖然話, 輕黏土軟身, 但都要靠我地幫手禁一禁手同腳仔打印嘅~佢仲細, 唔敢太出力~~所以都唔係打得好好, 唔係好夠清楚~第二次~滿月的腳仔~今次唔打手印了, 因為佢係唔會攤大手板嘅~所以我決定放棄~有左上次嘅經驗~今次係咪清楚好多呢~~呢個一年任務，我最終無做齊十二個月。只選了和牛B十二朝、一個月至五個月、九個月及十二月去印腳仔。因為發現和牛B頭半年的腳仔增長不係太明顯。所以，我總共做有8個腳仔印。花咗心機去留住腳仔印，當然要將成品好好地裝裱好吧! 所以我就淘咗一個相架，相架也有很多個款式，格數亦有很多種，所以我也花點時間去揾。由於我係有8個腳印成品，我可以揀8格款式，不過我都想喺相架裡加插和牛B嘅相片，所以我就買咗個九格款家庭相架 。準媽媽也可以考慮為BB製作這個充滿紀念性嘅成長印記哦~--------------------------------------------------Facebook專頁: 和牛b的成長日記http://:www.facebook.com/80smami/http://www.instagram.com/wagyubmami/ 
