logo
opentalk-logo
[步入精靈之森·Sensu綠野仙蹤下午茶] 🦋✨​ 提到近來新開嘅打卡餐廳,荃新天地嘅日系Cafe Sensu一定榜上有名!​ 全店以精靈之森為主題,一系列垂吊嘅藍調花、樹木設計,加上燈飾,睇上去好似有螢火蟲出沒嘅感覺,滿滿嘅童話氣息,真係勁靚!😍​ 喺食物方面,主打精緻和洋輕食,好似魚生丼、定食、漢堡/吐司、意粉或Pizza等,價錢仲好親民,不失為一個理想嘅閨蜜好聚處。​ 最近,我仲發現佢哋推出全新嘅「綠野仙蹤」下午茶!人均百零蚊就可以嘗到8款 鹹甜美點及2杯飲品,唔夠喉仲可以優惠價追加3款或6款小食,啱晒唔同食量人士需要!🤤​ ​ ✦ 8款鹹甜美點 ​ 包括:日式炸豆腐、芝士年糕、鬆餅、布朗尼、乳酪杯、雲卷和蘋果撻等等​ ​ 甜品之中,我最愛係雲卷,口感鬆軟,配上酸甜嘅果香,相當開胃。另外,香桃奇亞籽乳酪杯都唔錯,香甜嘅蜜桃下,底部係新興嘅健康食材奇亞籽及乳酪,營養豐富,味道同健康兩者兼得。​ ​ 鹹點,蝦多士就係我至愛,將人手打成嘅蝦滑,加入大粒彈牙嘅蝦肉,嚼勁及蝦味十足,配埋香烤多士,香脆、彈牙、鮮味三種滋味,令人一試難忘。​ ​ ✦ Marble Florals HK$88(下午茶半價加配)​ 由番茄、紅菜頭、蜜桃汁、椰子水同埋熱情果醬打造嘅沙冰,飲上口一啲都唔膩,清甜,感覺舒服。​ ​ ✦ Golden Mist HK$88(下午茶半價加配)​ 呢款個飲品成份會比較複雜,有桂花香梨撻、茉莉花茶、糙米茶、菠蘿汁、芒果汁、酸橙汁、粟米蓉及熱情果醬打造,酸中帶甘甜,味道層次豐富。​ ​ ✦ 「綠野仙蹤」下午茶 HK$168​ (另外加配3款點心 HK$58;6款點心 HK$88)​ ​ P.S. 呢個套餐嘅質素,整體都唔錯。唯獨唔係每款點心都有兩舊,唔額外追加,兩個人share係會嘗唔晒所有嘅味道,不過係均百零蚊,性價比仍係幾高!​ ​ ★-:+:-:+:-:+:-:+:-★​ 🎡味道:4​ 🎠環境:4.5​ 🎪服務:4​ 🕌CP值:3.5​ (*5為最高分)​ ★-:+:-:+:-:+:-:+:-★​ ◌ Sensu(荃灣店)​ ◌ 荃灣楊屋道 1 號荃新天地一期 UG 樓 78 號舖​ ★-:+:-:+:-:+:-:+:-★​ 🎀 記得like埋我,每日放送打卡好去處!📸​ www.facebook.com/daydaycheckin​ www.instagram.com/daydaycheckin​ ​ 💗ᴿᵉᵃᵈ ᴹᵒʳᵉ​ https://flowspace.hk​ #sensuhk #hkrestaurants #hkcafe #tsuenwanfood #afternoontea #teaset #savoury #canapes #catering #chill #afternoonteatime #tealover #hkfood #pudding #tsuenwan #荃灣 #荃灣美食 #gathering #bloggerlife #foodphotography #香港美食 #相機食先 #hongkong #hkfoodie #hkig #foodstagram #instadaily #foodie #foodiegram
+6
+5
+4
16人
熱門標籤
日日打卡身體好 人生就係不停的打卡