logo
opentalk-logo
[粉紅山茶花餐廳·粉邱花語下午茶] 💮🌿✨ K11 Musea嘅粉紅山茶花和洋餐廳"Camellia",相信唔少愛打卡嘅女生都去過! 最近店家仲新推3款全新下午茶,分別有「粉邱花語」、「寶石回憶」及「茶花盛開」,均以不同嘅鹹甜美點組合打造,更可揀2人或4人份量,迎合唔同閨密嘅口味及需要。今次我就揀咗「粉邱花語」下午茶,共有9款鹹甜點及餐飲,同好友度過快樂假期!❤️ ✦ 鹹點 包括: 迷你菠菜酥、荷蘭炸芝士球、明太子忌廉撻、香脆芝士酥條配芝士汁 鹹點之中,我覺得明太子忌廉撻最得意,明太子嘅微辣及鹹香,同甜甜地嘅忌廉撞埋一齊,味道好豐富!炸芝士球則中心係軟芝士,好香好滑,加上脆口炸芝士皮,味道唔錯!迷你菠菜酥 感覺唔肥膩,酥皮中包滿菠菜,幾fresh!至於香脆芝士酥條配芝士汁就最過癮,掛喺個T嘅鐵框上,一邊撕開,一邊點芝士汁,好過癮! ✦ 甜點 包括: 紅桑子乳酪杯、紅桑子馬卡龍、紅寶石朱古力雲卷、迷你芝士蛋糕、香檸英式鬆餅 成個系列我最鍾意紅桑子乳酪杯!乳酪好滑,又唔會好甜,加埋酸甜嘅紅桑子,好開胃。另外,紅寶石朱古力雲卷都好正!大大件,目測有2個拳頭咁大!雲卷外層蛋糕好鬆軟,中間塞滿香滑嘅忌廉,加上酸甜嘅雜莓果,甜而不膩。迷你芝士蛋糕幾香濃,不似美式嘅硬芝士cake質地,軟腍,幾香。 ✦ 特飲 包括: 少女時代 HK$78、紙醉金迷 HK$78 T餐仲可以加錢換特飲,今次我就揀咗少女時代及紙醉金迷!少女時代係用士多啤梨、玫瑰及桃打造,飲時不但飲到啖啖果肉,加上鮮水果粒,好清新。 紙醉金迷則用芒果及椰奶調製,味道好大眾化,簡單又好飲! ★-:+:-:+:-:+:-:+:-★ 🎡味道:4 🎠環境:4 🎪服務:4 🕌CP值:3.5 (*5為最高分) ★-:+:-:+:-:+:-:+:-★ ◌ Camellia ◌ 尖沙咀梳士巴利道18號Victoria Dockside K11 Musea 地下033號舖 ★-:+:-:+:-:+:-:+:-★ 🎀 記得like埋我,每日放送打卡好去處!📸 www.facebook.com/daydaycheckin www.instagram.com/daydaycheckin 💗ᴿᵉᵃᵈ ᴹᵒʳᵉ https://flowspace.hk #camelliahongkong #山茶花 #k11musea #hkcafe #下午茶 #coffeeshop #閨密 #吃貨人生 #foodiehk #foodiebloggerhk #hkrestaurant #hkfood #hkfoodie #吃貨 #香港打卡 #食評 #尖沙咀美食 #尖沙咀 #TsimShaTsui #相機食先 #instadaily #foodie #foodiegram #foodphotography #instadaily
+6
+5
+4
15人
熱門標籤
日日打卡身體好 人生就係不停的打卡